Mar
06
2019
0
Apayao Eagles namayagpag sa discus throw secondary boys
By admin
Pinalipad na tila Agila ng Apayao throwers ang discus na may bigat isang kilo’t kalahati para sa secondary boys level na umabot sa layong 36.97 metro mula sa base kahapon, February 28.
Pinatunayan ni John Mark Solimen na may ibubuga sa paghagis ng discuss ang mga Iyapayao matapos malampasan ang tansong medalya niya noong nakaraang taon.
Napangiti ang kanyang Coach na si Donie Rey Cruz matapos malampasan ang 31.95 metrong layong pinakawalan ni Teonario Santiban ng Benguet Stinger.
Nailista ni Santiban ang layong 31.95 metro na nagbigay ng .27 metrong lamang sa hagis ni Paul Nikko M. Dalowog ng Kalinga bulls, 31.68 metro.
-Roy Albert V. Rillo