Damo, hari sa triple jump
Kinabahan sa ikalimang lundag sa triple jump elementary boys si John Michael Damo ng Apayao Eagles matapos malampasan ng Benguet Stingers ang pang apat nitong talon na may layong 9.17 metro kumpara sa kanyang talon na may layong 9.44 metro.
Aniya, lalo pang bumilis ang pagtibok ng kanyang dibdib nang sumunod na humataw ang Ifugao bulls na nakapagtala ng 9.60 metrong layo sa ikalimang pagtalon niya na may layong .43 metrong pagitan.
Gayunpaman, nagpakatatag at nagtiwala si Damo sa kanyang sarili na malalagpasan niya ang dalawang jumpers na lumamang sa kanyang record.
Maingat niyang sinunod at pinakinggan ang payo ng kanyang trainer na ibuhos ang lakas at tamang paglundag ang gawin upang makagawa siya ng mas magandang record.
Tinuldukan ni Damo ang kasiyahan ng Ifugao builders matapos maungusan ng .23 metro sa kanyang panglimang lundag.
Hiyawan ng tagumpay ang mga kasamahan ni Damo matapos malaman ang sukat ng kanyang nalundag na umabot sa layong 9.83 metro.
Napalukso sa tuwa ito habang papalayo sa pinaglaruan.
-Roy Albert V. Rillo